今屆東南海杯算係近年來接觸及討論最多嘅一屆，更破格有專業拍攝團隊直播及評述，無論現場同係屋企嘅朋友都可以感受到呢種特別嘅氣氛。繼上次港隊亞洲杯外圍賽Boot Watch後，今次介紹一下東南海杯決賽日各位球星嘅戰靴！做個小總結：
一。白飯魚仍然吸引—除咗郭裕洪之外，無論不同年齡組嘅場上都有朋友著白飯魚，計落計落可能係東南海杯決賽日最多人著嘅波砵？
二。三間粉絲多—林嘉緯盧均宜呢對合作無間嘅孖寶，一路以黎波砵都係同一牌子，決賽都唔例外，而盧均宜對Top Sala Lux限量依家好多朋友想買都買唔翻了！同時，發現場上都有唔少Top Sala嘅影子，呢對主打舒服而價位親民嘅Adidas皇牌石地波砵果然受大家歡迎。
三。非大路嘅選擇—場上都見到唔少非常特別嘅選擇，宋連勇嘅最後一代Mercurial 高筒貴版平地 (Superfly 7 Elite IC)，黃展鴻最鐘意嘅MagistaX Finale，甚至係馬文政嘅Joma Super Regate都係一堆香港石地場比較少見嘅選擇！
最後，多謝Instagram Page @hk_12th 允許轉載圖片使用，大家記得Like返佢地既Facebook 同 Follow IG Page！
