係Vapor 15代將取消Pro版平地既消息下，Tiempo將會成為現時Nike平地唯一一個推出Pro (貴價) 同 Academy (中低價)版本嘅系列。係唔同價位底下，今次為大家介紹一下兩者嘅差別，等大家係價錢同功能性上選擇可以更得心應手。
圖二/三/四：鞋面及鞋頭設計：
Pro版嘅鞋頭有好標準嘅防磨擦凹凸設計，減輕鞋頭經常刮地而減低壽命嘅機會；Academy版反而仲直接，以一塊絨布達至前述功能，雖然重量及外觀亦會有好輕微嘅影響！鞋面，兩者同樣選用牛皮，外觀大致相同，雖然Nike並一直沒有指出兩版所選用既牛皮分別，但坊間一向所傳聞嘅消息就係Pro版運用頭層小牛皮，比Academy版嘅普通牛皮更柔軟。雖然我地唔可以驗證到佢地嘅物料確實係乜，但從簡單既按壓，可以感覺到Pro版既鞋面更柔軟，雖然兩者嘅分別唔算話係袋鼠皮同彷皮咁明顯。而係圖三及圖四就可以見到外側近鞋領位，Pro版係用返同一款皮，紋理較靚，但後面嘅Academy版 (圖四) 紋理上相對就較少，雖然呢個位置比較少觸球但其實係外觀上，Pro版比到人一種更柔軟嘅感覺。|
圖五：鞋底
兩款鞋無記錯都係運用Nike 2020嘅平地鞋底再所改良，係Tiempo Legend 8同Streetgato都有見到類似嘅以膠粒紋理為主既設計，相比起舊少少嘅Lunargato 2，防滑性會較高。呢到打和！
圖六：鞋中底
兩者最大分別莫過於Pro版有React泡棉緩震，Academy版採用普通避震，唔多講，性能上有一定分別！
圖七/八：後爭位
比較少人會留意足球鞋嘅後爭位，多數都係著得唔舒服果陣成有傷患先會發覺後爭設計對一對鞋黎講係都幾重要！Pro版網紋紋理較明顯，按壓下可以感受到回彈力及柔軟度較高，可以提供唔錯既保護。相反，Academy版就差少少啦！
總結：係外觀上，唔少波友都會上到黎問點解同一對鞋我地會標兩個價，因為兩者係外觀上分別不大，但其實細心了解下內裡嘅設計就可以搵出兩者主要既分別。Academy 中低價版雖然係理所當然地係功能性上差D，但係HKD600樓下呢個價位，加上Tiempo系列一直良好既口碑同舒適嘅穿著感下，係一對好好嘅Budget Choice！相反，Pro版就適合較高追求嘅，特別係鐘意React緩震及較軟身鞋面帶來既舒適感！
