2020年，Nike推出咗一個比較特別嘅 Future DNA 系列 — 話佢復刻又唔係復刻，因為鞋款仍然係2020年當時嘅 Mercurial Vapor 13，但呢隻超人顏色對大少少年紀嘅波友就會好熟悉，因為呢隻配色正正就係2009年原始Mercurial Superfly嘅設計，並將其應用喺近年出得最好嘅Vapor 13系列上面，提供咗懷舊同性能嘅又一次完美融合。
2009年，當時嘅第一代Mercurial Superfly並唔係好似依家咁 “Superfly” 等於高筒咁解，而係真係”Super” “Fly”嘅意思，係當時Mercurial系列中最輕、最快嘅一代，並且首次喺足球鞋上將Nike Flywire技術融入流線型鞋面。 呢項技術嘅目的係作為第二層皮膚，提供輕盈但更堅固、更有動感嘅貼合度。 呢對野雖然推出嗰陣貴過而家大部份足球鞋（無記錯係兩百幾英鎊），但因為技術未成熟，所以好唔耐用及易爛。
去返2020年，呢隻經典配色重現眼前，最近都有消息話最新流出嘅Mercurial 15代Mercurial Dream Speed系列會復刻2008年嘅Mercurial Vapor （有鞋帶擋布果隻），睇黎大家又要拎定荷包出黎了。
